अमेरिकी । नयाँ सूचीमा श्रीलंका, अल्जेरिया, इराक, लिबिया, फिलिपिन्स, मोल्डोभा र ब्रुनाई छन्। ती सबैमा अगस्ट १ देखि शुल्क लागू हुनेछ।
ट्रम्पले यी देशका नेतालाई पठाएका पत्र पनि सार्वजनिक गरेका छन्। पत्रमा अमेरिकामा सामान पठाउँदा लगाइने शुल्क उल्लेख गरिएको छ।
अब अमेरिकाले श्रीलंका, इराक, अल्जेरिया र लिबियाबाट आउने सामानमा ३० प्रतिशत भन्सार लगाउने छ। मोल्डोभा र ब्रुनाईलाई २५ प्रतिशत र फिलिपिन्सलाई २० प्रतिशत भन्सार लगाइनेछ।
ट्रम्पले यदि कुनै देशले अमेरिकामा कर लगाउँछ भने अमेरिकाले पनि त्यही अनुपातमा कर लगाउने आफ्नो पत्रमा लेखेका छन्।
उनले दुई देशबीचको सम्बन्धको आधारमा यो निर्णय परिवर्तन हुन सक्ने पनि बताए। यसअघि अमेरिकाले बंगलादेशसहित १४ देशमा एकैसाथ भन्सार लगाउने घोषणा गरेको थियो। एजेन्सी
