धनगढी । जिल्ला कारागार कैलाली भित्र फेरि कुटाकुटको घटना भएको छ । स्रोतका अनुसार शनिबार भएको झगडामा एक जना कैदीको नाकमा चोट लागेको छ ।
लफडाको सूचना पाएपछि जिल्ला प्रहरी कार्यालय, कैलालीका प्रमुख एसपी बाल नरसिंह राणा घटनास्थल पुगेका छन् । हाल उनी कारागारमै रहेर कैदी तथा थुनुवाहरूसँग घटनाको विवरण लिँदै अनुसन्धानमा जुटिरहेका छन् ।
हालसम्म झगडामा संलग्न व्यक्तिहरूको पहिचान र विवादको कारण खुलेको छैन। घटनापछि जिल्ला प्रहरी कार्यालयबाट थप सुरक्षाकर्मी पनि कारागार पठाइएको छ।
कैलाली जिल्ला कारागारमा यसअघि पनि पटक–पटक यस्ता झडपहरू हुने गरेका छन्, जसले कारागारको सुरक्षा व्यवस्थाप्रति प्रश्न उठाएको छ ।
