दाङ । जिल्ला ट्राफिक प्रहरी कार्यालय घोराही दाङमा ३ वर्षको अवधिमा सवारी दुर्घटनामा परेर २ सय बढीको अकालमा ज्यान गएको छ । ७ सय ११ वटा विभिन्न सवारी दुर्घटना हुँदा २ सय ३३ जनाको मृत्यु भएको हो । त्यसैगरी दुर्घटनामा परेर ६ सय ३७ जना गम्भिर घाइते भएक थिए भने ५६३ जना सामान्य घाइते भएका छन् ।
जिल्ला ट्राफिक प्रहरी कार्यालय घोराहीले मंगलबार पत्रकार सम्मेलनको आयोजना गरेर दाङ जिल्ला ट्राफिक प्रमुख उपेन्द्र बहादुर बमले आर्थिक वर्ष २०७९र०८० मा १ सय ४८ , आव २०८०र०८१ मा २०३ र आर्थिक वर्ष २०८१र०८२ मा ३६० वटा सवारी दुर्घटना भएको जानकारी दिनुभयो ।
जसमध्ये सबै भन्दा धेरै १ सय १ वटा सवारी दुर्घटना तुलसीपुरमा भएका छन् । घोराहीमा ८६, लमीमा ७४, राप्तीमा ४५, बबईमा ९, शान्तिनगरमा ८, बंगलाचुलीमा २१, गढवामा १९, राजपुमरा ३१ र दंगीशरणमा १३ वटा सवारी दुर्घटना भएका छन् । सबैभन्दा कम दुर्घटना हुने पालिकामा शान्तिनगर गाउँपालिका रहेको जिल्ला ट्राफिक प्रहरी कार्यालय दाङको तथ्यांक रहेको दाङ जिल्ला ट्राफिक प्रमुख प्रहरी निरीक्षक बमले जानकारी दिनुभएको छ ।
