काठमाडौं । दुई दशकसम्म कोमामा रहेका ‘स्लिपिङ प्रिन्स’ नामले परिचित साउदी अरबका राजकुमार अल वालिद बिन खालिद बिन तलाल अल साउदको निधन भएको छ ।
गल्फ न्युजका अनुसार सन् २००५ मा १५ वर्षको छँदा बेलायतको लन्डनमा सैनिक तालिम लिइरहेका बेला उनी सवारी दुर्घटनामा परी गम्भीर घाइते हुँदा मस्तिष्कमा चोट लागेर आन्तरिक रक्तस्राव भएको थियो । त्यसपछि उनी कहिल्यै पूर्णरूपमा होसमा फर्कन सकेनन् ।
जीवन रक्षाका उपकरणहरू हटाउन चिकित्सकहरुले सुझाव दिँदा उनका पिता राजकुमार खालिदले कहिले मानेनन् । उनले सधैं ईश्वरीय चमत्कारप्रति विश्वास राख्दै छोरा निको हुने आशा राखेका थिए ।एजेन्सी
