बाँके । कोष तथा लेखा नियन्त्रक कार्यालय बाँकेका प्रमुख कोष नियन्त्रक मोहनशरण भण्डारीका अनुसार उक्त अवधिमा जम्मा २९
अर्ब १५ लाख ५९ हजार ७३६ रुपियाँ राजस्व सङ्कलन गरिएको हो।
प्रमुख भण्डारीका अनुसार अघिल्लो आर्थिक वर्ष २०८०/८१ मा २५ अर्ब ९४ करोड १३ लाख ६५ हजार ३६४ रुपियाँराजस्व सङ्कलन भएको थियो। यसअनुसार चालु आर्थिक वर्षमा ३ अर्ब ६ करोड १ लाख ९४ हजार ३७२ रुपियाँराजस्व वृद्धि भएको देखिन्छ।
कोष नियन्त्रक कार्यालयका अनुसार बाँके जिल्लामा सबैभन्दा धेरै राजस्व नेपालगञ्ज भन्सार कार्यालयले सङ्कलन गरेको छ। भन्सार कार्यालयले मात्रै २० अर्ब २८ करोड ७२ लाख रुपियाँ राजस्व संकलन गरेको छ। विशेषगरी डिजेल आयातबाट मात्रै यस कार्यालयले छ अर्बभन्दा बढी राजस्व संकलन गरेको जनाएको छ।
अघिल्लो वर्ष २०८०/८१ मा नेपालगञ्ज भन्सारले १८ अर्ब १५ करोड ७२ लाख रुपियाँ राजस्व संकलन गरेको थियो। यसरी हेर्दा भन्सार कार्यालयको राजस्व संकलनमा २ अर्बभन्दा बढी वृद्धि देखिएको छ।
जिल्लामा दोस्रो बढी राजस्व संकलन गर्ने निकायका रूपमा आन्तरिक राजस्व कार्यालय रहेको छ। उक्त कार्यालयले ८ अर्ब २९ करोड ८६ लाख १८ हजार रुपियाँ राजस्व संकलन गरेको छ। अघिल्लो वर्ष यो कार्यालयले ७ अर्ब ६९ करोड ६२ लाख रुपियाँ संकलन गरेको थियो, जसअनुसार ७४ करोडभन्दा बढीको वृद्धि भएको हो।
कोष तथा लेखा नियन्त्रक कार्यालय बाँकेले जिल्लामा दुई ठूला राजस्व सङ्कलनकर्ताहरू — नेपालगञ्ज भन्सार र आन्तरिक राजस्व कार्यालय — दुवैको राजस्व सङ्कलनमा उल्लेखनीय वृद्धि भएको जनाएको छ।
सरकारी राजस्व सङ्कलनमा भएको यो वृद्धिले जिल्लाको आर्थिक क्रियाशीलता तथा सरकारी प्रशासनिक संयन्त्रको प्रभावकारितालाई पनि झल्काउने संकेत गरेको विश्लेषकहरूको भनाइ छ।
