दाङ । गढवा गाउँपालिका वडा नम्बर ७ मानपुरकी ५० बर्षिया बसन्ता शर्मा पण्डितलाई दाङ प्रहरीले काठमाण्डौबाट पक्राउ गरेको हो । उनले आफ्नि सौताको छोरालाई २०५९ सालमा हत्या गरेर फरार थिईन । उनी फरार रहेपनि अदालतले १० बर्ष कैद सजाय उहिबेला तोकेको थियो । उनले आफ्नो श्रिमानको जेठी श्रीमतीबाटका छोरा ९ बर्षिय शरद शर्माको हत्या गरेकि थिईन । अदालतले पिडक शर्मालाई अनुसन्धान गरि २०६० साल असोज २६ गते १० बर्ष कैद सजायको फैसला गरेको थियो । फरार शर्मालाई प्रहरीले खोजी गर्दैजाँदा काठमाडौमा लुकिछिपि बसेको सुचना पाएको थियो ।
२०८२ साल साउन २० गते विहान साढे ८ बजे फरार शर्मालाई काठमाडौ महानगरपालिका वडा नम्बर-२६ नयाँ बसपार्क क्षेत्रबाट पक्राउ गरि दाङ ल्याईएको जिल्ला प्रहरी कार्यालय दाङले जनाएको छ । फरार शर्मा आफ्ना छोरा केशबराज शर्मासँग काठमाडौ महानगरपालिका-९ गोंगबुमा बस्दै आएको खुलेको छ । उनी लुकिछिपी दाङ-काठमाण्डौ आउजाउ गरिरहने सुचना पाएपछि प्रहरी काठमाण्डौ नै पुगेको दाङ प्रहरी प्रमुख एसपी अर्जुन प्रसाद तिमल्सिनाले जानकारी दिएका छ्न ।
