बाँके । नेपालगञ्ज कर्णाली विकास बैंक घोटाला प्रकरणमा संलग्न रहेको आरोपमा बैंकका तत्कालीन अध्यक्ष पशुपतिदयाल मिश्र, राजेन्द्रवीर राय, वेदप्रकाश सिंह ठकुरीलाई पूर्पक्षका लागि जेल चलान गरिएको छ।
उच्च अदालत तुलसीपुर नेपालगन्ज इजलासका न्यायाधीशद्वय चन्द्रबहादुर सारु र पुनम सिंहको इजलासले पूर्पक्षका लागि थुनामा पठाउने आदेश भएको छ । उनीहरूलाई बैंकिङ कसुरअन्तर्गत अनुसन्धान पूरा नभएसम्म थुनामा राख्न आदेश दिएको हो।
यसै प्रकरणमा अनुसन्धानको घेरामा परेका राष्ट्र बैंकका पूर्वकर्मचारी भुवन बस्नेतलाई भने दुई लाख रुपैयाँ धरौटीमा रिहा गरिएको छ।
अनुसन्धानका क्रममा उनीहरूलाई बैंकको आन्तरिक प्रणालीको दुरुपयोग गरी आर्थिक अनियमितता गरेको आशंकामा नियन्त्रणमा लिइएको थियो। उक्त प्रकरणमा थप अनुसन्धान जारी रहेको उच्च अदालत तुलसीपुर नेपालगन्ज इजलास ले जनाएको छ।
