बाँके । राप्तीसोनारी गाउँपालिका-२, मुगुखा खोला नजिक आज बिहान ना ५ ख ३६१० नम्बरको ट्रक र भे १ ख ३१६९ नम्बरको टिप्पर ठोक्किँदा टिप्परमा सवार राप्तीसोनारी-१, सिक्टाका ३५ वर्षीय भुवबहादुर खत्रीको मृत्यु भएको छ।
टिप्परमा सवार कोहलपुर-१५ का २५ वर्षीय सुदीप चौधरी घाइते भएका छन् । उनको कोहलपुर मेडिकल कलेजमा उपचार भइरहको छ । खत्रीको शव भेरी अस्पताल, नेपालगञ्जमा ल्याइएको प्रहरीले जानकारी दिएको छ ।
ट्रक र टिप्पर कोहलपुरतर्फ आइरहेको थियो । पछाडिबाट टिप्परले ट्रकलाई ठक्कर दिंदा दुर्घटना भएको प्रत्यक्षदर्शीले बताएका छन् ।
