कपिलवस्तु । देशकै पहिलो तथा नेपाल सरकारकाे राष्ट्रिय वाणिज्य बैंकको लगानी रहेको जीवन बिमा कम्पनी नेशनल लाइफ इन्स्योरेन्स कम्पनी हो । त्यसै मातहतको कपिलवस्तु जिल्लामा नेशनल लाइफ इन्स्योरेन्स शाखा चन्द्रौटाले शनिबार दिउँसो आफ्नै कार्यालयमा शाखाका अभिकर्ताहरुलाई तालिम दिएको छ ।
मानिसका जीवनमा जीवित हुँदा होस्, वा बिमा गर्ने व्यक्तिको मृत्यु पश्चात बिमा गरिएको रकमबाट परिवारलाई ठूलो राहत हुने हुँदा बिमा हामी सबैका लागि अत्यन्तै आवश्यक रहेको बताइएको छ । तालिममा सहभागीहरुलाई शाखा प्रमुख हरि ज्ञवालीले नेशनल लाइफ बिमा योजना, सीप विकासका विविध विषयहरुमा प्रशिक्षण दिएका थिए ।
झण्डै चार दर्जनकाे संख्यामा उपस्थित अभिकर्ता तालिमपश्चात् शाखा अन्तर्गत उत्कृष्ट कार्य गरेका अभिकर्ताहरुलाई सम्मानपत्र र खादा लगाएर सम्मान गरिएको थियो ।
