काठमाडौं । तीनकुनेस्थित प्रहरी वृत्तमा लुटपाट र आगजनी गर्नेमध्येका एक सप्तरीका जाबेद अख्तर लुटिएका हतियारसहित पक्राउ परेका छन् ।
प्रहरी चौकी तीनकुने लागयतका ठाउँबाट लुटिएको गोली, दुईवटा म्यागेजिन, हतकडीसहित उनी पक्राउ परेका हुने । अख्तयार सिंहदरबारको आगजनीमा समेत संलग्न रहेको पाइएको छ ।
त्यस्तै लाहानका विसान शाह,सुरज यादव, प्रदीप यादव, निरज सिहं, जनकपुरका दीपक मण्डल, निरज यादव, सिरहका सन्तोष मण्डल पनि पक्राउ परेका छन् । उनीहरूको साथबाट लुटिएका सामानसमेत बरामद गरिएको सशस्त्र प्रहरीले जनाएको छ ।
यसैबीच सर्वाेच्च अदालतको सुरक्षाका लागि तैनाथ प्रहरी गणबाट ९ थान हतियार कब्जा भएका छन् । अदालतमा आगो लगाइएपछि प्रदर्शनकारीले ती हतियार लुटेर लगेकामा थिए । सिसिटिभी फुटेज र सामाजिक संजाल तथा मिडियामा आएका भिडिओका आधारमा हतियार लुट्नेमा संलग्न व्यक्तिको पहिचान भएको प्रहरीले जनाएको छ ।
