कास्की । जिल्ला प्रहरी कार्यालय, कास्कीले सार्वजनिक स्थानमा महिलामाथि अभद्र व्यवहार गरेको आरोपमा एक जनालाई पक्राउ गरेको जनाएको छ।
दिउँसो करिब ४:५० बजे Pokhara Metropolitan City–९, चिप्लेढुङ्गास्थित पार्किङ क्षेत्रमा दुई जना महिलामाथि कुटपिट तथा दुर्व्यवहार भएको घटना सामाजिक सञ्जालमा सार्वजनिक भएपछि प्रहरीद्वारा अनुसन्धान सुरु गरिएको थियो।
अनुसन्धानका क्रममा उक्त घटनामा संलग्न रहेको आरोपमा पार्किङ शुल्क उठाउने काम गर्दै आएका तनहुँ जिल्लाको बालुङ स्थायी घर भई हाल पोखरा–५ मा बस्दै आएका २३ वर्षीय एक पुरुषलाई १७ गते चिप्लेढुङ्गाबाट पक्राउ गरिएको प्रहरीले जनाएको छ।
पक्राउ परेका व्यक्तिमाथि थप अनुसन्धान प्रक्रिया अगाडि बढाइएको जिल्ला प्रहरी कार्यालय,कास्कीले जानकारी दिएको छ ।
