पोखरा । १७ ड्याम!साइडस्थित नयाँ पुलमुनि फुस्रे खोलामा फालिएको शंकास्पद सुटकेसभित्र तन्नाले बेरिएको २२–२५ वर्षीया युवतीको शव फेला परेको छ।
स्थानीयको सूचनापछि प्रहरीले सुटकेस खोलेर हेर्दा हातमा ‘मनिषा विश्वकर्मा’ लेखिएको ट्याटु भएको शव भेटिएको हो। साथमा मेडिकल कार्ड पनि फेला परेको छ।
प्रहरीका अनुसार ह!त्या गरी सुटकेस!भित्र हालेर फालिएको आशंका गरिएको छ। युवती ड्याम!साइडमै एक पुरुषसँग श्रीमान–श्रीमती बनेर कोठा भाडामा बस्दै आएकी थिइन्, जो जापानी भाषा सिक्ने बताइएका थिए।
घटनापछि पुरुष फरार छन्, उनको आधार कार्ड भारतको सिलगुडीको देखिएको छ। शव पोस्ट!मार्टमका लागि पोखरा स्वास्थ्य विज्ञान प्रतिष्ठानमा राखिएको छ भने घटनाबारे अनुसन्धान जारी रहेको प्रहरीले जनाएको छ।
