दाङ प्रहरीले चितुवाको छाला सहित २ जना पक्राउ

(एबिसी संचार)
दाङ माघ १३ घाेराहीमा चितुवाको छाला सहित २ जना पक्राउ परेका छन् । पक्राउ पर्नेमा दंगीशरण गाउँपालिका–१ बस्ने २४का चेतबहादुर पुन र सोही ठाउँकै सौगात घर्ती पक्राउ परेको जिल्ला प्रहरी कार्यालय दाङका प्रहरी प्रबक्ता डिएसपी सुमित खड्काले जानकारी दिए ।
विशेष सूचनाको आधारमा जिल्ला प्रहरी कार्यालय घोराहीबाट खटि गएको प्रहरी टोलीले पुन र घर्तीलाई घोराही उपमहानगरपालिका १४ बसर्पाकबाट चितुवाको छाला सहित पक्राउ गरेको हो ।
प्रहरीले टाउको, बंगराको भागदेखि पुच्छरसम्मको पुरै भाग भएको चितुवाको छाला बरामद गरेको हो । पक्राउ परेका दुबै जनाको विषयमा थप अनुसन्धान भइरहेको दाङ प्रहरीले जनाएको छ ।