दाङ । मंगलवार बेलुकी तुलसीपुर ५ माछापुच्छ्रे टोल स्थित थारमारे भण्डारी होटेलबाट उनीहरुलाई पक्राउ गरिएको जिल्ला प्रहरी कार्यालय दाङका सुचना अधिकारी रेशम बोहराले जानकारी दिए ।
विशेष सुचनाको आधारमा इलाका प्रहरी कार्यालय तुलसीपुरबाट खटिएको प्रहरी टोलीले सल्यान बागचौर नगरपालिका २ बागचौर बस्ने वर्ष २० को दीपक भण्डारी, सोहि ठाउँका वर्ष १९ को सरोज घर्ती मगर र वर्ष १९ को राजन बिष्टलाई पक्राउ गरेको हो । प्रहरीले उनीहरुको साथबाट बा.प्र.०२ ०४६ प ३३३२ नम्बरको मोटरसाइकलको सवारी दर्ता किताब १ थान, यातायात ब्यवस्था सेवा कार्यालय वीरेन्द्रनगर सुर्खेत नेपाल भएको डिजिटल छाप १ थान र रा २ प ३११५ नम्बरको सवारी दर्ता किताब १ थान बरामद समेत गरेको छ ।
यसका साथै प्रहरीले उनीहरुले प्रयोग गरेको बाग्मती प्रदेश ०२-०४५ प १७३० नम्बरको यमाहा कम्पनीको कम्पनीको एउटा मोटरसाईकल पनि बरामद गरेको हो । सरकारी छाप र दस्तखतलाई किर्ते गरी चोरीका मोटरसाइकल बिक्री वितरण गरुरहेको भन्ने सुचनाको आधारमा प्रहरीले छापा मारेको थियो । उनीहरु विरुद्ध सरकारी छाप किर्ते मुद्दामा जिल्ला अदालत घोराहीबाट ५ दिनको म्याद थप गरी अनुसन्धान भईरहेको प्रहरीले जानकारी दिएको छ ।
