सागर थापा (क्राईमरिपोर्टर) काठमाडौं फागुन ७ नेपाल प्रहरीमा सधै गुटबन्दी आक्रान्त यसपटक फर दृश्य देखिएको छ । उच्च प्रहरी अधिकारीले मिलेर अघि बढ्ने घोषणा गरेका छन् ।
महानिरीक्षक बढुवामा हुने प्रतिस्पर्धाका कारण प्रहरी नेतृत्वमा सधैँ बेमेल हुनेमा यसपटक भने फरक अवस्था देखिएको हो । प्रतिस्पर्धीहरूले समेत एकजुट भएर अघि बढ्ने र प्रहरीलाई बलियो बनाउने प्रण गरेका छन् ।
ठाकुर ज्ञवालीसँगै उनका ब्याची तारिणी लम्साल र सूर्यप्रसाद उपाध्यायसमेत आइजिपी बढुवाको प्रतिस्पर्धामा थिए । ज्ञवाली आइजिपी भएपछि बधाई दिँदै उनीहरूले आफूहरूको पूर्ण सहयोग रहने बताएका छन् । ‘महानिरीक्षक बढुवामा मेरो समर्थन छ, महानिरीक्षकलाई पूर्ण सहयोग हुनेछ,’ डिआइजी लम्सालले भने, ‘व्यक्तिगत स्वार्थभन्दा पनि प्रहरी संगठनलाई बलियो बनाउन हामी एकजुट हुनेछौँ ।’ आफ्ना ब्याचमा ज्ञवाली पहिलो नम्बरमा थिए । मंगलबारको मन्त्रिपरिषद्को बैठकले उनलाई आइजिपीमा बढुवा गरेको थियो । बढुवा पछि लम्सालले घरमै गएर ज्ञवालीलाई बधाई दिएका थिए । मुख्यालयमा स्वागत कार्यक्रममा पनि उनी ज्ञवाली सँगसँगै थिए ।
उता गृहमन्त्री रामबहादुर थापाले आफ्ना सहयोगीलाई साथ लिएर अघि बढ्न प्रहरी महानिरीक्षक ठाकुर ज्ञवालीलाई सुझाब दिएका छन् । बुधबार दिउँसो गृह मन्त्रालयमा भएको भेटमा थापाले कार्यकाल छोटो भए पनि धेरै गर्न सकिने भन्दै आफ्नो पूर्ण साथ रहने बताए । यसैबीच, ज्ञवालीले संगठनमा भातृत्वको भावना बढाएर अघि बढ्ने बताएका छन् ।
प्रहरी प्रधान कार्यालयमा बुधबार आयोजित विशेष समारोहका बीच प्रहरी अधिकृत तथा जवानहरूलाई निर्देशन सम्बोधनमा उनले संगठनले लिएको लक्ष्यप्रति विमुख नभई अगाडि बढ्नुपर्ने बताए । प्रहरी नेतृत्वमा एकता भएमा राजनीतिक हस्तक्षेप कम हुने र प्रहरी बलियो हुँदै जाने प्रहरी अधिकारीहरु बताउँछन् ।

सम्बन्धित

मोरङमा १४ हजार नगदसहित १२ जना जुवाडे पक्राउ

काठमाडौंमा कोरोना संक्रमित बढ्यै पछी आईसीयूमा बेड नहुँदा इमरजेन्सीमा राखेर उपचार गर्दै

केराउ तस्करी गर्ने समूहको संलग्नता घाँटीमा कोदाली हानेर प्रहरीको हत्या

८ वर्षीया बालिकाको अपहरण ३ घण्टामै सकुशल उद्धार गर्न सफल प्रहरी

चितवनमा कोरोना सङ्क्रमित एकजना वृद्धको मृत्यु

प्रहरी हत्या प्रकरण असई विकले बोकेको पेस्तोल भेटियो