५. नम्बर प्रदेशमा डिआईजीविहीन

प्रकशित मिति : २२ फाल्गुन २०७६, बिहीबार २१:४२

(सागर थापा)
नेपालगन्ज डीआईजी ठाकुर ज्ञवाली आईजीपीमा नियुक्त भएको करिब दुई साता दिन भइसक्दा पनि प्रस्तावित प्रदेश डिआईजीविहीन छ । यस प्रदेशका तत्कालिन डिआईजी सुरेश विक्रम शाह अवकाश भएपछि अहिले उक्त प्रदेश प्रहरी प्रमुखविहीन बनेको हो ।
गएको माघ २८ मा निवर्तमान आईजीपी सर्वेन्द्र खनालसँगै तीन प्रहरी अतिरिक्त महानिरीक्षक (एआईजी) र १७ जना डीआईजीले एकैपटक ३० वर्षे सेवा अवधीको कारण अवकाश पाएका थिए । जसमा लुम्बिनी प्रदेशका डिआर्यजी शाह पनि अवकाशको सूचीमा परेका थिए ।
ज्ञवाली आईजीपीमा नियुक्त भएसँगै लुम्बिनीसँगै पाँचवटा प्रदेशमा एसएसपीले कमाण्ड सम्हालेका छन् । प्रदेश प्रहरी प्रमुख डीआईजी रहने व्यवस्था छ । प्रहरीकाअनुसार एक नंम्बरसहित बागमती, गण्डकी, प्रस्तावित लुम्बिनी र कर्णाली प्रदेश डीआईजीविहीन छ ।
एआईजी बढुवा नगरिकन डीआईजी बढुवा गर्ने अवस्था नभएकोले पाँचवटै प्रदेशमा एसएसपीले कमाण्ड सम्हालेका छन् । प्रदेश दुईमा डीआईजी प्रधुम्न कार्की र सुदूरपश्चिम प्रदेशमा तारिणी लम्सालको कमाण्ड छ ।
प्रस्तावित लुम्बिनी प्रदेशका डीआईजी सुरेश विक्रम साहसँगै कर्णाली प्रदेशका डीआईजी पूर्णचन्द्र जोशीले पनि सोही समयमा अवकाश पाएका हुन् । यसले कर्णलीमा पनि अहिले डीआईजी छैनन् ।
ज्ञवाली आईजीपीमा नियुक्त भएसँगै रिक्त तीन एआईजी पदको लागि गृह मन्त्रालयले गृहकार्य शुरू गरेको छ । तीन एआईजीले अपराध अनुसन्धान विभाग, राष्ट्रिय प्रहरी प्रशिक्षण प्रतिष्ठान र मानवस्रोत तथा प्रशासन विभागको जिम्मेवारी सम्हाल्छन् ।
तीन एआईजीको लागि सात डीआईजी प्रतिस्पर्धामा छन् । उनीहरुबीच चर्को भीडन्त हुने देखिएको छ । १७ डीआईजी एकैपटक अवकाशमा जाँदा सात डीआईजी भने कार्यरत नै थिए ।

प्रकशित मिति : २२ फाल्गुन २०७६, बिहीबार २१:४२