(बिदुर एमसी)
दाङ चैत १५ भालुवाङमा सुरक्षा निकाय केन्द्रित गरेर मास्क र स्यानी टाइजर वितरण गरिएको छ । दाङको पूर्वी देउखुरीमा राप्ती गाउँपालिका वडा न १ ले भालुवाङ्गस्थित सुरक्षा निकायलाई मास्क र स्यानी टाइजर दिइएको हो ।
विभिन्न ठाउँबाट आएका मानिसहरुसित प्रत्यक्ष रूपमा खटेर काम गर्नुपर्ने भएकोले सुरक्षा निकायका कर्मचारीहरुलाई ती सामग्री वितरण गरिएको वडा नम्बर १ का वडाध्यक्ष ताराबहादुर डि सीले बताएका छन् ।
काेभिड 19, काेराेना भाइरसको सङ्क्रमणबाट सुरक्षाकर्मिहरुलाई सुरक्षा गर्नका लागि सो सामानहरु वितरण गरिएको अध्यक्ष डि सीले जनाएका छन् । अहिलेकाे अवस्थामा सबैभन्दा बढी जाेखिममा सुरक्षाकर्मिहरु भएकोले ती सामग्री वितरण गर्नुपरेको पनि अध्यक्ष डि सीको भनाइ रहेकोे छ ।
शनिबार अपरान्ह भालुवाङ्गकाे पुल्चोकस्थित ट्राफिक प्रहरी कार्यालय अगाडि भएको साे वितरण कार्यक्रममा ट्राफिक प्रहरी इञ्चार्ज रञ्जित अाचार्य, इलाका प्रहरी कार्यालय भालुवाङ्गका प्रसनी खडकबहादुर खत्री, प्रहरी हवल्दार सीता बस्नेत, वडा सदस्य श्यामलाल पाेख्रेल र एबिसी संचारका पत्रकार बिदुर एमसी लगायत अन्य व्यक्ति विशेषहरुकाे उपस्थिति रहेको थियोे ।
