सागर थापा
कपिलवस्तुको मायादेवी गाउँपालिका वडा नं. ४ चाकरचौडाबाट लु. १ ख ८९५१ नम्बरको ट्रकमा ५ सय ३० बोरा सेतो केराउ लोड गरिएको अवस्थामा पक्राउ गरिएको थियो ।
विशेष सुराकीका आधारमा ईलाका प्रहरी कार्यालय पकडी र सीमा प्रहरी चौकी चाकरचौडाको प्रहरी टोलीले सो केराउसहितको ट्रक पक्राउ गरिएको जिल्ला प्रहरी कार्यालयले जनाएको छ । ट्रकमा करिव १३ लाख २५ हजार मुल्य बराबरको ५ सय ३० बोरा केराउ लोड गरेको अवस्थामा रहेको जिल्ला प्रहरी कार्यालयले जनाएको छ । पक्राउ गरिएको केराउसहितको ट्रकलाई आजै भन्सार कार्यालय सुठौली पठाइएको छ ।
जिल्लामा भर्खरै सरुवा भइ आएका नयाँ प्रहरी प्रमुख एसपी नवराज अधिकारीले जिल्लामा शान्ति सुरक्षाको प्रत्याभूति र चोरी तस्करी नियन्त्रणमा आफू सक्रिय भई लाग्ने बताएका छन् । यसका लागि जिल्लामा आफू सबै राजनैतिक दल, जनप्रतिनिधि र नागरिक समाजसँग मिलेर अघि बढ्ने प्रहरी प्रमुख एसपी अधिकारीले बताए ।
