महेन्द्र सिंह
बाँके कोहलपुर क्षेत्रमा सचेतना बोर्ड राखिएको छ कोहलपुर नगरपालिका क्षेत्र भित्र पर्ने पुर्व पश्चिम तथा उत्तर दक्षिण राजमार्गका बिभिन्न १० वटा स्थानहरुमा ट्राफिक जनचेतनामुलक बोर्डहरु राखिएको जिल्ला ट्राफिक प्रहरी कार्यालय बाँकेका ट्राफिक प्रमुख पबिन्द्र बमले जानकारी दिए ।
बाँकेको कोहलपुर क्षेत्र दुर्घटनाको दृष्टिले संवेदनशिल मानिन्छ । लकडाउन अवधिमै भएका सवारी दुर्घटनामा ज्यान गुमाउनेको सँख्या बढ्न थालेपछि ट्राफिक सचेतना सहितको बोर्ड राखिएको हो । राजमार्ग क्षेत्रमा हुने सवारी दुर्घटनामा कमि ल्याउन ट्राफिक प्रहरीले सवारी चालकहरुकालागि विभिन्न सचेतनामुलक कार्यक्रम संचालन गर्दै आईरहेको बमले जानकारी दिए ।
दुई दिन (मंगलबार र बुधबार) मा कोहलपुर नगर क्षेत्रभित्रका जोखिमयुक्त १० स्थानमा सचेतना बोर्ड राखिएको हो । प्युठान सिमेन्टको सौजन्यमा राखिएका सचेतना बोर्डले दुर्घटनामा केही हदसम्म कमि आउने विश्वास लिएको ट्राफिक प्रमुख बमको भनाई छ ।
