महेन्द्र सिंह
बर्दिया सशस्त्र प्रहरीले बर्दियामा अवैध सामाग्री बरामद गरेको छ। सशस्त्र प्रहरी बल नेपाल नम्बर ३१ गणबाट गएको गस्ती टोलीले बर्दियाका विभिन्न सिमा नाकाहरुबाट अबैध रुपमा भन्सार छली नेपाल तर्फ ल्याउँदै गरेको दुनो भैसी, प्याज र चिनी लगायतका सामाग्री बरामद गरेको हो।
बरामद गरिएका अवैध सामाग्रीसहित भैसीलाई छोटी भन्सार कार्यालय गुलरीयामा बुझाईएको सशस्त्र प्रहरी बर्दियाले जानकारी दिएको छ। सशस्त्र प्रहरीका अनुसार आइतबार बरामद गरिएका अवैध बस्तुहरुको भन्सार दाखिला मूल्य ७०,७४० रुपैयाँ छ।
त्यस्तै पछिल्लो चरणमा बरामद गरेको काठ र सुर्तिजन्य पदार्थहरु पनि भन्सार बुझाउने प्रक्रियामा रहेको सशस्त्र प्रहरी बर्दियाले जानकारी दिएको छ।सशस्त्र प्रहरी बर्दियामा एसपी नर बहादुर रावत आएदेखी सिमानाकामा निकै कडाई हुँदै आएको छ।
