महेन्द्र सिंह बाँके ईलाका प्रहरी कार्यालय बनकट्टीले अवैध लागुऔषध कोरेक्स सहित २ जनालाई निण्नत्रणमा लिएको छ । जिल्ला प्रहरी कार्यालय बाँकेका अनुसार शनिबार बेलुका डुडुवा गाँउपालिका ४ खालेमसाह स्थित ईलाका प्रहरी कार्यालय बनकट्टि (क) बाट खटिएको प्रहरी टोलिले लागुऔषध सहित २ जनालाई नियन्त्रणमा लिएको हो । लु. ६१ प ६७२७ नम्बरको मोटरसाईकल खानतलासी गर्दा युवाहरुले ल्याएको आलुको बोराभित्र २३ सि.सि. (प्रती सि.सी. १०० मि.लि.) कोरेक्स बरामद गरीएको प्रहरीले जनाएको छ । नेपालगंज उपमहानगरपालिका २० मनिकापुर बस्ने ईन्द्र देब खटिकले चलाएको मोटरसाईकलको पछाडि बसेका डुडुवा गाँउपालिका ५ जगदहवा का २७ वर्षिय कृष्ण सुनारले समातेको आलुको बोरा खोली हेर्दा उक्त परिमाणको आगुऔषध भेटिएको हो । मोटरसाईकल र युवाहरुलाई नियन्त्रणमा लिई आबस्यक अनुसन्धान सुरु गरीएको जिल्ला प्रहरी कार्यालय बाँकेका प्रहरी प्रमुख एसपी ओम बहादुर रानाले जानकारी दिएका छन ।
