(करुणा श्रेष्ठ)
चितवन प्यूठानबाट बुधबार बेलुकी बिरामी लिएर काठमाण्डौं जादै गरेको लु १ च ९७३१ नम्वरको पिकअप भ्यान विहिवार विहान ५ बजे चितवन इच्छाकामना गाउँपालिका-४ नाग्दी खोला भन्ने स्थानमा त्रिशुली नदिमा खसेर बेपत्ता भएको इलाका प्रहरी कार्यालय मुग्लिङ चितवनले जनाएको छ ।
भ्यानमा सवार ४ जना मध्ये अखिल नेपाल युवक संघका केन्द्रिय उपाध्यक्ष ३८ वर्षीय मुकुन्द बहादुर रोका घाइते हुनुभएको छ भने उहाँको श्रीमति जमुना रोका, छोरी जिनिसा रोका र भ्यान चालक भिमरुक गाउँपालिका १ का २३ वर्षीय सुर्य के.सी बेपत्ता रहेको इलाका प्रहरी कार्यालय मुग्लिङ चितवनका प्रहरी हवल्दार भिमसेन श्रेष्ठले जानकारी दिनुभयो ।
