१४ साउन २०८२, बुधबार
30-07-2025 , Wed
×

विप्लवसँग वार्ताको प्रयासमा नख्खु जेल पुगे खानेपानी मन्त्री: थापा

Logo
प्रकाशित मंगलबार, माघ २०, २०७७

ABC Sanchar
काठमाडौं । अपराधिक समूह’ भनेर प्रतिबन्ध लगाइएको नेत्रबिक्रम चन्द (विप्लव) नेतृत्वको नेकपासँग सरकारले वार्ताको पहल थालेको छ ।

प्रधानमन्त्री केपी शर्मा ओलीकै चाहना अनुसार विप्लव नेतृत्वको नेपाल कम्युनिस्ट पार्टीमाथि २०७५ फागुमा प्रतिबन्ध लगाइएको थियो । तर, गत पुस ५ मा प्रतिनिधि सभा विघटन पछि विकसित राजनीतिक घटनाक्रमका बीच सरकारले विप्लव नेतृत्वको नेकपासँग वार्ताको पहल थालेको हो ।

औपचारिक रुपमै वार्ता थाल्ने प्रयासस्वरुप खानेपानी मन्त्री मणि थापाले नख्खु जेल पुगेर विप्लव नेकपाका नेता हेमन्तप्रकाश ओली ‘सुदर्शन’लाई भेटेका छन् ।

ओलीलाई भेट्न मन्त्री थापा मंगलबार बिहान नख्खु जेल पुगेका हुन् । सुरक्षा स्रोतले मंगलबार बिहान खानेपानी मन्त्री थापा नख्खु जेल पुगेका पुष्टि गरेको छ ।

विप्लव नेतृत्वको नेकपाको संलग्नतामा नख्खुस्थित एनसेल कार्यालयमा भएको बम विस्फोटसँग सम्बन्धित मुद्दामा पक्राउ परेका ओली अहिले ललितपुरको नख्खु कारागारको थुनामा छन् ।

प्रहरीले ओलीलाई काभ्रेबाट पक्राउ गरेको थियो । पूर्व माओवादी पृष्ठभूमिका नेता थापाले वार्ताको वातावरण बनाउनका लागि मंगलबार ओलीसँग भेटवार्ता गरेका हुन् । तर, भेटवार्ताका क्रममा के–के कुराकानी भयो भन्ने विषय भने सार्वजनिक भइसकेको छैन ।

प्रतिबन्ध अगाडि पनि सरकारले विप्लव नेतृत्वको नेकपासँग वार्ता गरेको थियो । विप्लवको नेकपासहित तत्कालीन अवस्थामा भूमिगत रहेका समूहसँग वार्ता गर्न भन्दै पूर्व मन्त्री एवम् तत्कालीन प्रतिनिधिसभा सदस्य सोमप्रसाद पाण्डेको नेतृत्वमा वार्ता टोली गठन गरिएको थियो ।

तर, उक्त टोलीले विप्लवको नेकपासँग औपचारिक वार्ता शुरु गर्न सकेन । वार्ताका लागि विप्लव नेकपाका केही नेताहरुसँग कुराकानी गरेपनि ‘उनीहरु वार्ताका लागि सकारात्मक नपाइएको’को तत्कालीन वार्ता टोलीका संयोजक पाण्डेले जानकारी दिएका थिए ।

वार्ता टोलीले २०७५ पुसमा आफ्नो प्रतिवेदन सार्वजनिक गर्दै विप्लव नेतृत्वको नेकपाले वार्ताका लागि सकारात्मक अग्रसरता नलिएको हुँदा वार्ता प्रक्रिया अघि बढ्न नसकेको जनाएको थियो ।रासस

कमेन्ट गर्नुहोस्
सम्बन्धित

मेष : दिन राम्रो रहेको छ। आफन्तबाट राम्रो साथ सहयोग मिल्नेछ। स्वास्थ्य र शिक्षामा ढिलासुस्ती भएपनि व्यापारमा भने फाइदा हुनेछ । राजनीतिमा सुधारका संकेत देखिनेछन्। परिवारको साथमा गरेको कामबाट फाइदा हुनेछ। वृष : दिन राम्रो छ। शिक्षामा आज गरेको योजना दीर्घकालीन हुनेछ। सम्पत्तिको मामिलामा भने समस्या हुनसक्ने जोखिम छ। कारोबार गर्नुपरे हातबाट वा मागेर गर्नु […]

काठमाडौं । मंगलबार आईजीपी राजु अर्यालले हलचोक स्थित सशस्त्रको मुख्यालयमा दर्ज्यानी चिन्ह प्रदान गरेका हुन् । बढुवा समितिले असार ३२ मा वरिष्ठ उपरीक्षक (एसएसपी) बाट उनलाई सशस्त्र प्रहरी नायव महानिरीक्षक (डीआईजी)मा बढुवा गर्न सिफारिस गरेको थियो । सो सिफारिसको आधारमा गृहमन्त्री रमेश लेखकले उनलाई बढुवाको निर्णय गरेका हुन् । सशस्त्र प्रहरीको प्राविधिकतर्फ वरिष्ठ उपरीक्षक र […]

बाँकेमा एकजना असइले तस्करसंग केटी मिलाई दे भनेको अडियो रेकर्ड एबिसी संचार भन्डाफोर टिमलाई प्राप्त..

error: Content is protected !!