(सागर थापा)
दाङ। जिल्ला प्रहरी कार्यालय दाङबाट खटिएको सादा पोसाकका प्रहरी टोलीले मंगलवार बाघको छाला सहित २ जना तुलसीपुर ४ गोठी खोलाबाट पक्राउ गरेको जनाएको छ ।
पक्राउ परेका सल्यानको बागचौर नगरपालिका वडा नंम्वर ९ का सन्दिप डाँगी र शारदा नगरपालिका वडा नंम्वर १५ का ३७ वर्षीय ईन्द्रबहादुर थापा विकलाई बुधबार दाङ प्रहरीले पत्रकार सम्मेलन गरेर सार्वजनिक गरेको छ ।
पाटे बाघको छाला अबैध रुपमा ओसारपोसार गरी विक्री वितरण भई रहेको भन्ने गोप्य सुचनाका अधारमा खटिएको सादा पोसाकको प्रहरीले उनिहरुलाई पक्राउ गर्न सफल भएको दाङ प्रहरीले जानकारी दिएको छ ।
उनिहरुको साथबाट पुच्छरको भागदेखी टाउको सम्मको लम्बाई ४ फिट ५ ईन्च, घाटीको चौडाई १ फिट, अगाडिको दुबै खुट्टा फट्टाएर नाप्दा ४ फिट २ ईन्च लम्बाई, पछाडिको खुट्टालाई फट्टाएर नाप्दा ३ फिट ३ ईन्च लम्वाई, पेटको भागको चौडाई १ फिट ११ ईन्च रहेको बाघको छाला १ थान बरामद गरिएको प्रहरीले जानकारी दिएको छ । यस्तै उनिहरुको साथबाट समासुम, लाभा र भिभोको १÷१ वटा गरी ३ वटा मोबाईल र रा .४ प .८८४७ नंम्वरको कालोरातो कलको पल्सर मोटरसाईकल १ थान बरामत गरिएको प्रहरीले जनाएको छ । बाघको छालासहित पक्राउ परेको उनिहरुलाई थप अनुसन्धानको लागि जिल्ला वन कार्यालय पठाउने तयारी भईरहको प्रहरीले जनाएको छ । साथै दाङ प्रहरीले मोटरसाइकल चोरी गर्ने २ जनालाई पनि पक्राउ गरेको छ । जिल्ला प्रहरी कार्यालय दाङबाट खटिएको सादा पोसाकको प्रहरी टोलीले मंगलबार दिउसो २ बजे घोराहीको नयाँ वसपार्कबाट पक्राउ गरेको जनाएको छ ।
पक्राउ परेका गढवा गाउँपालिका वडा नंम्वर ६ का १९ वर्षीय असिम खान र सोही ठाउँका बरुन कुमाललाई बुधबार पत्रकार सम्मेलन गरेर सार्वजनिक गरिएको छ ।
कपिलबस्तुका शिवराज नगरपालिका वडा नंम्वर ३ का ३० वर्षीय विक्रम केसीको लु १८ प ९५०४ नंम्वरको १ सय ५० सीसीको पल्सर मोटरसाईकल र दाङको गढवा गाउँपालिका वडा नंम्वर २ का गिरीराज भुषालको बा ८३ प ७६७५ नंम्वरको १ सय ५० सीसीको पल्सर मोटरसाईकल चोरी भएको थियो ।
केसी र भुषालले जिल्ला प्रहरी कार्यालय दाङमा दिएको निवेदनका अधारमा मोटरसाईकल चोरीमा संलग्न खान र कुमाललाई पक्राउ गरिएको जिल्ला प्रहरी कार्यालय दाङका प्रहरी प्रमुख एसपी गणेश चन्दले जानकारी दिनुभएको छ । पक्राउ परेकाहरुमाथि आवश्यक अनुसन्धान भैरहेको दाङ प्रहरी प्रमुख एसपी चंन्दले जानकारी दिए ।
