(महेन्द्र सिंह)
बर्दिया । निषेधाज्ञा उल्लंघन गरी चलाएको बस प्रहरीले नियन्त्रणमा लिएको छ । कोरोना महामारी फैलिरहेको अवस्थामा जिल्ला प्रशासन कार्यालयले बैशाख १३ गते देखि जेठ १० गतेसम्म निषेधाज्ञा जारी गरेको छ । अत्यावश्यक सामाग्री ओसार पसार गर्ने बाहेक यात्रु वाहक कुनै सवारी साधन संचालन गर्न नपाईने प्रशासनले जनाएको छ । निषेधाज्ञा उल्लंघन गरी यात्रु ओसार पसार गरिरहेको अवस्थामा प्रहरीले ना ५ ख ५१४८ नम्बरको बस नियन्त्रणमा लिई जिल्ला प्रशासन कार्यालयमा पेश गरेको हो
। प्रमुख जिल्ला अधिकारीले रोग संक्रमण ऐन २०२० अनुसार बस चालकलाई कारबाही गरेको जिल्ला प्रहरी कार्यालय बर्दियाका प्रहरी प्रमुख एसपी ईश्वर कार्कीले जानकारी दिए । बुधबार प्रहरीले निषेधाज्ञा गर्ने दुई बस राजापुरबाट नियन्त्रणमा लिई कारबाही गरेको थियो ।
महामारीको यस अवस्थामा यात्रु एक ठाउँबाट अर्को ठाउँमा लैजाँदा कोरोना संक्रमण झन् बढ्ने सम्भावना हुन्छ ।
