ABC (क्राईमबिट)
दाङ । घोराही उपमहानगरपालिका वडा नं. १० जलौर निवासी देब बहादुर चौधरीका १९ बर्षीय छोरा रुपेश चौधरी रहेको जिल्ला प्रशासन कार्यालय दाङले जनाएको छ ।
गएको साउन १३ गते जिल्ला प्रशासन कार्यालयले युवक विरुद्ध प्रहरीहरु संग बादविवाद गरी शान्ति विरुद्धको कसुर गरेको भन्दै मुद्धा चलाएको थियो । उनलाई प्रशासनले साउन २५ गते १६ सय रुपैयाँ धरौटी तोकेको थियो ।
१६ सय रुपैयाँ धरौटी बुझाउन नसकेपनि दैनिक ३ सय रुपैयाँ कट्टा हुने गरी साउनको २५ गते देखि लागु हुने गरी कारागार चलान भएको दाङका प्रमुख जिल्ला अधिकारी रामबहादुर कुरुम्बाङले जानकारी दिए । जिल्ला प्रशासन कार्यालय दाङका नायव सुब्बा कुबेरजंग खड्काले दिएको जानकारी अनुसार युवकको परिवारका कुनै पनि सदस्य अहिले सम्म सम्पर्कमा आएका छैनन् । युवकले यो बिचमा बाँकी धरौटी बुझाएमा रिहा हुने नासु खड्काले जानकारी दिए ।
