(ABC-Sanchar)
दाङ । जिल्ला प्रशासन कार्यालय दाङले तटिय क्षेत्रका बासिन्दाहरुलाई उच्च सर्तकता अपनाउन आग्रह गरेको छ । जिल्ला प्रशासन दाङले एक विज्ञप्ती जारी गर्दै पश्चिम राप्ती नदीको बागासोती जलपान केन्द्रको वहावले विहान साढे ६ बजे सर्तकता तह पार गरेको बताएको छ । जिल्लामा सोमबारदेखि अविरल बर्षा भैरहेकोले जिल्ला वासी र तटिय क्षेत्रका बासिन्दाहरुलाई उच्च सर्तकता अपनाउन अनुरोध गरेको छ ।
साथै दाङ प्रशासनले काठ,दाउँरा लगायत अन्य कामका लागि नदि क्षेत्रमा नजान अनुरोध गरेको छ । दाङका प्रमुख जिल्ला अधिकारी राम बहादुर कुरुम्वाङले हस्ताक्षर गरेको विज्ञेप्तीमा तटिय क्षेत्र लगायत अन्य क्षेत्रका बासिन्दालाई पनि उच्च सर्तकता अपनाउन अनुरोध गरिएको छ ।
