(महेन्द्र सिंह)
बाँके । जिल्ला प्रहरी बाँकेले भारतबाट बिना भन्सार ल्याइएका अवैध सामाग्री पक्राउ गरेको छ।
जिल्ला प्रहरीबाट प्रहरी बाँकेबाट खटिएको प्रहरी टोलीले भारतबाट ल्याउदै गरिएका १ लाख रुपैयाँ बढीका अवैध सामाग्रीलाई नेपालगन्ज १० स्थित ट्राफिक चोकबाट बरामद गरेको जिल्ला प्रहरी कार्यालय बाँकेका प्रहरी प्रमुख एसपी श्याम कृष्ण अधिकारीले एबिसी संचारलाई जानकारी दिएका छन् ।
बाँके प्रहरीले चोरी पैठारी गरी ल्याइएका अवैध लत्ताकपडा, मिक्सर मेशिन, मोबाईल कभर, छोगडा लगायतका १ लाख ४ हजार ४ सय रुपैयाँ बराबरका विभिन्न अवैध सामाग्रीलाई आज आबश्यक कारबाहीका लागि नेपालगन्ज भन्सार कार्यालय बुझाइएको बाँके एसपी अधिकारीले जानकारी दिएका छन् ।
बाँके प्रहरीले दिनहुँ जसो चोर बाटो हुँदै ल्याइएका भन्सार छलीका अवैध सामाग्री निरन्तर पक्राउ गर्दै आएको छ।
