(सागर थापा)
दाङ । दशैमा उच्च सुरक्षा सतर्कता अपनाउन कडा निर्देशन दिइएको छ । ईलाका प्रहरी कार्यालय कोहलपुरका प्रहरी प्रमुख डिएसपी रबिन्द्र खनालका अनुसार बाँकेको राझा देखि सम्झना चोक र कुसुम सम्म जोडिएका सीमाक्षेत्रका प्रहरी युनिटका सुरक्षा प्रमुखलाई सुरक्षाको व्यवस्था मिलाउन निर्देशन दिइएको बताए । महान चाड दसैँ, तिहार तथा छठ पर्बलाई लक्षित गरी ईलाका प्रहरी कोहलपुरले प्रहरीलाई आफ्नो क्षेत्रमा विशेष निगरानी सहित सुरक्षा व्यवस्थामा कडाइ गरेको बताए । 
चाडपर्वको बेला भिडभाड हुने स्थल, आर्थिक कारोबार हुने बैँक, वित्तीय संस्था जस्ता ठाउँमा कोहलपुर प्रहरीले विशेष निगरानी राखेको छ । साथै धार्मिकस्थल, भिडभाड हुने ठाउँमा पाकेटमार तथा अन्य अपराध हुनसक्ने सम्भावनालाई दृष्टिगत गरी सुरक्षा व्यवस्था कडा पारिएको ईलाका प्रहरी कार्यालय कोहलपुरका प्रहरी प्रमुख डिएसपी खनालले जानकारी दिनुभयो ।
