नवलपरासी । पूर्वपश्चिम राजमार्गअन्तर्गत गैंडाकोट नगरपालिका–९ स्थित हनुमान मन्दिर नजिकै नेपालगञ्जबाट काठमाडौंतर्फ जाँदै गरेको लु.प्र.०१–००१ ख ०९१० नम्बरको बसले विपरीत दिशाबाट आइरहेको बा.प्र.०१–०२८ च ५००४ नम्बरको हात्तीगाडी (छोटा हात्ती) र बा ३ ख ३१६३ नम्बरको ट्रकलाई ठक्कर दिँदा दुर्घटना भएको हो।
जिल्ला प्रहरी कार्यालय नवलपरासी (पूर्व) का अनुसार दुर्घटनामा ट्रक चालक रामेछाप ठाडादेवीका ३२ वर्षीय इन्द्र तामाङ, हात्तीगाडी चालक चितवन भरतपुरका दर्शन काप्री र बस चालक बाँके नेपालगञ्जका मोहनसिंह बलामी मगर घाइते भएका छन्। उनीहरूको नयाँ मेडिकल कलेज, चितवनमा उपचार भइरहेको छ।
बसमा सवार ९ जना यात्रु पनि सामान्य घाइते भएको प्रहरीले जनाएको छ।
दुर्घटनाको कारण खुल्न नसकेको र थप अनुसन्धान भइरहेको प्रहरीले जनाएको छ।
