(ABC-Sanchar)
बैतडी । प्रसिद्ध निङ्गलाशैनी भगवती मन्दिरमा आज भव्य जात्रा लागेको छ। हिजो महासप्तमीका दिन शुरु भएको जात्रा आज महाष्टमीमा रांगा बोकाको बलि सहित सम्पन्न भएको छ। आज लागेको जात्रामा करिव साढे ३ सय रांगाको बलिदिइएको छ। २ सय ४६ रांगा समितिमा दर्ता गरिएको र १ सय बढी रांगा थप आएको हुनसक्ने जात्रा ब्यवस्थापन समितिले जनाएको छ।
गतबर्ष कोरोनाको प्रकोपका कारण सम्पन्न हुन नसकेको जात्रा यसपालि भने कोरोनाको प्रकोप कम भएकाले धुमधाम संग लागेको छ। यस जात्रामा बैतडी सहित छिमेकी जिल्लाहरु र भारतबाट समेत दर्शनार्थीहरु आउने गर्दछन्।
