ABC (क्राईमबिट)
रुपन्देही । प्रहरीले भारतबाट ल्याइएको कपडा, कस्मेटिक र जुत्ता लगायतका सामान बुटवलको तिनाउ पुल नजिकैबाट बरामद गरेको हो ।
लु १ ज ४६३६ र लु १ ज ३७८७ नम्बरका दुई वटा जिपमा ल्याइएको सामाग्री प्रहरीले बरामद गरेको हो । रुपन्देही प्रहरी प्रवक्ता सत्यनारायण थापाका अनुसार बरामद भएको सामानमा ६० हजार थान लिपगार्ड (ओठमा लगाउने कस्मेटिक) रहेको छ ।
यस्तै कुर्ता सुरुवाल सेट २ सय ३६ थान, चुन्नी ६ सय थान, बनारसी साडी ६७ थान रहेको डिएसपी थापाले बताए ।
यस्तै विभिन्न ब्रान्डका जुत्ता, टिसर्ट लगायतका सामान पनि बरामद गरेको प्रवक्ता थापाले जानकारी दिए ।
पक्राउ परेको २ वटा जिप सहित बरामद भएको समान प्रहरीले करिब साढे ५१ लाख मूल्याङ्कन गरेको छ ।
बरामद सामानसँगै जिप चालक सैनामैना-२ का ४० वर्षीय तुलसी थारु र सोही ठाउँका ४० वर्षीय मीनप्रसाद भण्डारी पनि पक्राउ परेका छन् ।
बरामद भएको सामान र पक्राउ परेका चालकसहित दुवै जनालाई थप अनुसन्धान र कारबाहीका लागि भैरहवा भन्सार कार्यालय पठाइएको प्रवक्ता थापाले बताए ।
