ABC(क्राईमबिट) बाँके । नेपालगन्ज नाकाबाट सुपारीसहित लाखौंको अवैध सामाग्री बरामद नेपालगन्ज । जिल्ला प्रहरी कार्यालय बाँकेले भारततर्फ लैजाँदै गरिएको ठूलो परिमाणमा सुपारी बरामद गरेको छ । जिल्ला प्रहरी बाँकेबाट गएको टोलीले भारतबाट नेपालगन्ज ल्याउँदै गरेको अवैध लत्ताकपडा, सुर्तीजन्य पदार्थ समेत बरामद गरेको छ । 
प्रहरीको टोलीले गएराती नेपालगन्जबाट भारत तथा भारतबाट नेपालगन्ज ल्याउँदै गरिएको अवस्थामा ती अवैध सामाग्रीहरु बरामद गरेको जिल्ला प्रहरी बाँकेले जनाएको छ । बरामद गरिएका १ लाख ८४ हजार रुपैयाँ बराबरका सबै अवैध सामाग्रीलाई आजै नेपालगन्ज भन्सार कार्यालय बुझाइएको जिल्ला प्रहरी बाँकेले जानकारी दिएको छ ।
