ABC (क्राईमबिट)
दाङ । तुलसीपुर उपमहानगरपालिका ५ बसपार्कबाट ८०० मिलिग्राम लागुऔषध ब्राउन सुगरसहित २ जनालाई पक्राउ गरेको जिल्ला प्रहरी कार्यालय दाङका प्रहरी निरीक्षक मोहनजंग बुढाथापाले जानकारी दिए ।
पक्राउ पर्नेमा तुलसीपुर उपमहानगरपालिका ५ निवासी २५ वर्षिय धिरज बुढाथोकी र बबई गाउँपालिका ४ घर भई हाल तुलसीपुर उपमहानगरपालिका ६ बरुवागाउँ डेरा लिइ बस्ने २० वर्षिय प्रख्यात शाह रहेका छन् । त्यस्तै शनिबार साढे ७ बजेको समयमा तुलसीपुर उपमहानगरपालिका ६ विद्युत पछाडी घर भई हाल तुलसीपुर ५ स्थित आफ्नो माईती घरमा बस्दै आएका ३१ वर्षिय आमा शसिला श्रेष्ठ र १९ वर्षिय छोरा रोहन श्रेष्ठको साथबाट ७१० मिलिग्राम लागुऔषध ब्राउन सुगर बरामद गरेको छ ।
इलाका प्रहरी कार्यालय तुलसीपुरबाट गोप्य सूचनाका आधारमा खटिगएको टोलीले खोजतलास गर्ने क्रममा उनीहरुको साथबाट उक्त परिणामको लागुऔषध बरामद भएको प्रहरीले बताएको छ ।
उनीहरु चारै जनालाई नियन्त्रणमा लिई थप अनुसन्धान भैरहेको दाङ प्रहरीले जनाएको छ ।
