कंचनपुरमा भारतीय नम्बरको जीपले ठक्कर दिँदा १ जनाको मृत्यु पुर्व-पश्चिम राजमार्ग अवरुद्ध

ABC (क्राईमबिट)
धनगढी । कञ्चनपुरको कृष्णपुर नगरपालिका वडा नम्बर २ मा भारतीय नम्बर भएको जीपले ठक्कर दिँदा एक जनाको ज्यान गएको छ। पुर्वपश्चिम राजमार्ग अन्तर्गत कृष्णपुर नगरपालिका वडा नम्बर २ बंकमा DL1ZC 4754 नम्बरको भारतीय जीपले ठक्कर दिँदा गम्भीर घाइते भएका स्थानीय ६५ बर्षीय तारा नाथको घटनास्थलमै ज्यान गएको हो।
आइतबार बिहान करिब ६ बजेको समयमा, बाणी देखी झलारी तर्फ आइरहेको उक्त जीपले स्थानीय नाथलाई ठक्कर दिँदा उक्त दुर्घटना भएको हाे। दुर्घटना भएको उक्त स्थानमा स्थानीयहरुले बिहानै देखी पुर्व पश्चिम राजमार्ग अवरुद्ध समेत गरेका छन। यसैगरी उक्त जीप र चालकलाई भने इलाका प्रहरी कार्यालय झलारीले नियन्त्रणमा लिइसकेको इलाका प्रहरी कार्यालय झलारीका प्रहरी निरीक्षक कर्ण बोहराले जानकारी दिए।