(ABC-Sanchar)
काठमाडौं । भरतपुर महानगरपालिका१५ रामपुरमा बस र एम्बुलेन्स ठक्कर खाँदा छ जना घाइते भएका छन् । जिल्ला प्रहरी कार्यालय चितवनका अनुसार चौबिसकोठीबाट शारदानगरतर्फ जाँदै गरेको ना ६ ख ९४५८ नंको बसमा सोही दिशातर्फ बिरामी पुर्याउन जाँदै गरेको वाग्मती प्रदेश ०१–०२३च ९९९ नंको एम्बुलेन्सले आज दिउँसो ठक्कर दिएको थियो।
ठक्करबाट एम्बुलेन्समा सवार चालकसहित छ जना घाइते भएका हुन्। घाइतेमध्ये एकको अवस्था गम्भीर रहेको छ। दुईको मध्यम र तीनजनाको अवस्था सामान्य रहेको छ।
घाइतेको चितवन मेडिकल कलेज र पुरानो मेडिकल कलेजमा उपचार भइरहेको प्रहरीले जनाएको छ। बस र चालक प्रहरीको नियन्त्रणमा रहेका छन्। रासस
