(ABC-Sanchar)
काठमाडौं । नेकपा माओवादी केन्द्रको प्रवक्ता तथा पूर्व सभामुख कृष्ण बहादुर महरालाई फेरि रोशनी शाहीको चुनौती थपिएको छ।
यसअघि बलात्कार प्रयास गरेको मुद्दा लगाउने रोशनीकै कारण उनको सभामुख पद गएको थियो। यतिबेला त्यो मुद्दा भुलाएर नयाँ ढंगबाट राजनीति थाल्न लागेका महरालाई रोशनीले विभिन्न आरोप लगाएर चुनौती थपिदिएकी हुन्।
बलात्कार मुद्दामा महराले जिल्ला अदालत काठमाडौँ र उच्च अदालत पाटनबाट सफाई पाइसकेका छन्। तर रोशनीले महरालाई इंगित गर्दै फेसबुकमा स्टाटसहरु पोस्ट गरेपछि उनीमाथि फेरि चुनौती थपिएको हो।
मंगलबार रोशनी शाहीले महराले जेलबाट छुटाउन गरेको बाचा रेकर्ड आफूसँग सुरक्षित रहेको बताएकी छिन्।
दुनियाँले आफूलाई महरासँग करोड खाएको भनिरहँदा त्यसबारे महराले पुष्टि गर्नुपर्ने उनको भनाइ छ।
सामाजिक सञ्जालमा रोशनीले लेखेकी छिन्,‘महराले जेलबाट छुटाउन गरेको बाचा कसम, राहुलले मसँग छुटाईदिनुपर्यो भनेर गरेका कुराहरुको रेकर्ड मेसेज सुरक्षित छ। दुनियाँले मलाई महरासँग करोड खाको कुरा महराले दुनियाँसँग भन्नुपर्छ मैले कति खाए भनेर पुष्टि गर्नुपर्यो। बास्टर।’ दैनिक अनलाईनबाट
