(सागर थापा)
दाङ । जिल्ला प्रहरी कार्यालय दाङले लेनदेन मुद्धामा फरार घोराही उपमहानगरपालिका १० का ४५ वर्षीय पशुपति आचार्य छन् । आचार्यलाई लेनदेन मुद्दामा दाङ देउखुरी जिल्ला अदालतले २०७७ चैत ५ गते एक वर्ष कैद सजाए तोकेको थियो ।
अदालतको फैसला पछि फरार रहेका उनलाई शनिबार घोराही उपमहानगरपालिका-१० मा लुकिछिपी बसेको अवस्थामा पक्राउ गरेको जिल्ला प्रहरी कार्यालय दाङका प्रहरी प्रमुख एसपी सुरेश काफ्लेले जानकारी दिनुभएको छ । उनलाई सोमबार नै जिल्ला अदालतमा बुझाईएको प्रहरीले जनाएको छ ।
त्यसैगरी लागूऔषध मुद्दामा सजाय तोकिएर फरार रहेका तुलसीपुर उपमहानगरपालिका-५ का ३६ वर्षीय समिम कुलेली पक्राउ परेका छन् ।
दाङ देउखुरी जिल्ला अदालतले उनलाई २०७७ असार २१ गते ४ वर्ष पाँच महिना कैद सजाय तोकेको थियो । अदालतको फैसला पछि फरार रहेका उनलाई आइतबार तुलसीपुरबाट प्रहरीले पक्राउ गरेको हो । समिमलाई पनि जिल्ला अदालतमा बुझाएको प्रहरीले जनाएको छ ।
