ABC (क्राईमबिट)
बाँके । राप्तीसोनारी गाउँपालिका ८ घर भई हाल नेपालगन्ज ४ बस्दै आएका तुलाराम खत्रीको यही माघ १४ गते बसपार्क नजिक रहेको होटेल दाजुभाईमा पार्किङ गरिराखेको भे. ९ प ४८६१ नम्बरको मोटरसाइकल चोरी भएको थियो ।
मोटरसाइकल चोरी भएको सूचना पाएपश्चात् वडा प्रहरी कार्यालय नेपालगन्जबाट खटिएको टोलीले उक्त मोटरसाइकललाई हिजो नेपालगन्ज १८ सुर्जीगाउँ जाने बाटोमा वेवारिसे अवस्थामा फेला पारेको वडा प्रहरी कार्यालय नेपालगन्जका प्रहरी प्रमुख प्रहरी निरीक्षक डिल्ली खड्काले जानकारी दिएका छन ।
फेला पारिएको उक्त भे ९ प ४८६१ नम्बरको मोटरसाइकललाई आज बिहान वडा प्रहरी कार्यालय नेपालगन्जले सवारीधनी खत्रीलाई हस्तान्तरण गरेको वडा प्रहरीले जनाएको छ ।
