ABC (क्राईमबिट)
काठमाडौं । ललितपुर सामुदाय प्रहरी साझेदारी सामुदायिक केन्द्र तिखेदेवलको आयोजनामा महिला स शक्तिकरण तथा कानुनी परामर्श कार्यक्रम सम्पन्न भएको छ । ११२ औँ अन्तराष्ट्रिय महिला दिवसको सन्दर्भमा सामुदायिक केन्द्र उक्त कार्यक्रम आयोजना गरेको हो ।
कार्यक्रममा मन्तव्य राख्दै महानगरीय प्रहरी वृत्त सादोबाटोका डिएसपी मदन के.सी.ले नेपाल प्रहरीले महिलाहरुका हरेक समस्या र गुनासाहरुलाई उच्च प्राथामिकतामा राखेर काम गर्ने बताए । उनले भने, ‘महिलाहरुका समस्याहरु हामीकहाँ आउँदा हामी पहिलो प्राथामितामा नै राखेर समाधान गछौं हामीहरुले गर्नुपर्ने सबै सहयोग सहज रुपमै उपलब्ध गराउछौं।’ महिलाहरुका विभिन्न किसिमका समस्याहरु समाधानका लागि सामुदायिक प्रहरी वा कुनै कानुन व्यवसायीहरुसंग समन्वय गरेर हप्तामा एउटा महिलाहरुको समस्यासंग सम्बन्धित अन्तरक्रिया राख्न सके उपयोगी हुने समेत केसीले बताए ।2 Tikhedebal .jpg
महिलाहरूमा भएका समस्याहरूको निराकरण तथा समस्याको समाधान गर्ने उद्देश्यले यो कार्यक्रम गरिएको सामुदाय प्रहरी साझेदारी सामुदायिक केन्द्र तिखेदेवलकी प्रहरी नायव निरीक्षक फुलकुमारी पौडेलले बताइन् । प्रहरी नायव निरीक्षक पौडेलले भनिन्, ‘यस किसिमका कार्यक्रमबाट पीडीत महिलाहरूले आफ्नो कानूनी हक र अधिकारको बारेमा जानकारी प्राप्त गर्छन् । जसबाट आफूलाई परेका मर्काहरु, गुनासोहरू व्यक्त गर्न सक्छन् , कानूनी उपचारका लागि उनीहरुलाई सहज हुन्छ ।’
अन्र्तराष्ट्रिय सहयोय सञ्जाल नेपालकी निर्देशक ऊमा बुढामगरले महिलाहरूको हक अधिकारको मात्रै कुरा गर्ने नभएर उनीहरुमा भएको पीडा, गुनासो जस्ता भित्री समस्याहरूलाई बाहिर निकाल्नका लागि क्रियाशील रहन समेत सामुदायिक प्रहरीलाई अनुरोध गरिन् । निर्देशक बुढामगरले भनिन्, ‘आफनो लागि आफनै लड्नुपर्छ, हिम्मत राख्नुपर्छ र निर्धक रुपमा बलियो भई समाजमा अगाडि बढ्न सक्नु पर्छ ।’
राइन एण्ड शाइन नेपालका निदेशक सबिना चामलिङ्गले एकल महिलाहरुलाई पीडा पोख्नैका लागि भएपनि यस्ता कार्यक्रमहरु आयोजना भइरहनु पर्ने बताइन् । उनले भनिन, ‘समस्या भनेको जसले भोगेको हुन्छ, त्यसलाई मात्र पीडा थाहा हुन्छ । महिला तथा एकल महिलाको पीडा तथा समस्या पोख्न यो र यस्ता कार्यक्रमहरुको महत्वपूर्ण भूमिका हुन्छ।
त्यसबाट समाधान पनि निक्लन सक्छ ।’ चामलिङ्गले भनिन्, ‘यस्तो कार्यक्रममा आउन पाएकोमा म अत्यन्तै खुसी छु। अनलाईन पत्रिकाबाट
