०७ आश्विन २०८३, बुधबार
23-09-2026 , Wed
×

काठ ओसारपसार गरिरहेको अवस्थामा सुर्खेतबाट तीनजना पक्राउ

Logo
प्रकाशित आइतबार, चैत्र १३, २०७८

ABC (Sanchar)                                               अवैध रूपमा काठ ओसारपसार गरिरहेको अवस्थामा सुर्खेतबाट तीनजना पक्राउ परेका छन्। शनिबार राति १२ बजे लेकवेशी नगरपालिका-८ गन्नेपानीबाट ७८.९ क्युफिट काठसहित उनीहरूलाई पक्राउ गरिएको हो।

भे १ ख २७७९ नम्बरको मिनी ट्रकमा लोड गरी वीरेन्द्रनगरतर्फ ल्याउँदै गरेको भन्ने विशेष सूचनाका आधारमा उनीहरुलाई पक्राउ गरिएको जिल्ला प्रहरी कार्यालय सुर्खेतले जनाएको छ। ट्रक चेकजाँच गर्नेक्रममा भुसको बोरामूनि लुकाएर राखिएको काठसहित ट्रक पनि नियन्त्रणमा लिइएको छ।

ओसारपसारमा संलग्न दैलेखको नारायण नगरपालिकाका यामबहादुर तारामी, बाजुराको बडिमालिका गाउँपालिका-६ का डम्मर बडुवाल र लेकवेशी नगरपालिका-८ का श्याम चपाइँ पक्राउ परेका हुन्।

अनुसन्धानका लागि काठ जिल्ला वन कार्यालय सुर्खेतलाई बुझाईएको प्रहरीले जनाएको छ।साभार

कमेन्ट गर्नुहोस्
सम्बन्धित
प्रधानमन्त्री वालेन्द्र शाह मंगलबार बेलुका अमेरिका प्रस्थान,

काठमाडौं । मंगलबार साँझ त्रिभुवन अन्तर्राष्ट्रिय विमानस्थलबाट अमेरिका लागि प्रस्थान गरेका हुन्। उनी कतार एयरवेजको ‘क्यूटीआर-६४५’ कल साइनको बोइङ ७८७-८ ड्रिमलाइनर जहाजबाट अमेरिका प्रस्थान गरेका छन्। उनी अमेरिकाको न्यूयोर्कमा हुने संयुक्त राष्ट्रसंघको महासघमा सहभागी हुनेछन्। उनले असोज ८ गते महासभालाई सम्बोधन गर्ने कार्यक्रम रहेको छ। यो प्रधानमन्त्री शाहको पहिलो विदेश भ्रमण हो। काठमाडौँबाट कतारको दोहा हुँदै अमेरिका […]
घोराही–सिस्ने खोला–मुर्कुटी सडक नबने तिहारपछि कडा आन्दोलन गर्ने स्थानीयवासीको चेतावनी

अबको आन्दोलन सडकमै बस्ने, सडकमै खाने, सडकमै सुत्ने हुनेछ : स्थानीयवासीहरू घोराही । घोराही–सिस्ने खोला–मुर्कुटी सडक निर्माणका लागि ठोस योजना नबनाइए तिहारपछि कडा आन्दोलनमा उत्रिने स्थानीयवासीहरूले चेतावनी दिएका छन्। वर्षौं बितिसक्दा पनि सडकको अवस्था सुधार नभएको भन्दै मंगलबार विभिन्न टोल विकास संस्था तथा स्थानीयवासीका प्रतिनिधिहरूले सडक डिभिजन कार्यालय दाङमा पुगेर यस्तो चेतावनी दिएका हुन्। स्थानीयवासीका […]
बाँके एसपी अंगूर जिसीको कमान्डमा जिल्ला प्रहरी बाँके फेरि देशकै उत्कृष्ट,पाँचौँ पटक प्रथम,

बाँके । जिल्ला प्रहरी कार्यालय बाँके कार्यसम्पादन मूल्याङ्कनमा लगातार तेस्रो महिनासमेत देशभरकै उत्कृष्ट बनेको छ। ‘क’ श्रेणीमा रहेका १२ जिल्ला प्रहरी कार्यालयमध्ये बाँकेले असार, साउन र भदौमा लगातार पहिलो स्थान हासिल गरेको हो। प्रहरी प्रधान कार्यालयका अनुसार पछिल्लो नौ महिनाको मूल्याङ्कनमा बाँके पाँचपटक प्रथम र एकपटक दोस्रो भएको छ। यसअघि चैत र वैशाखमा पनि बाँके […]