त्रिभुवन अन्तर्राष्ट्रिय विमानस्थलबाट प्रहरीले भन्सार छलेर ल्याएको सुन र मोबाइलसहित ४ जनालाई पक्राउ गरेको छ । पक्राउ पर्नेमा सिरहा घर भएका सुमनकुमार कापर, रोल्पा घर भएका खिमराज डाँगी, दाङ घर भएका प्रताप चौधरी र स्याङ्जाका सुरज हमाल छन् ।दुबईबाट हिमालय एयरलाइन्सको उडानमा काठमाडौं आएका कापरको साथबाट ५० ग्राम तौल भएको सुनको बिस्कुट बरामद गरिएको विमानस्थल सुरक्षा कार्यालयले जनाएको छ । सोही उडानबाट आएका डाँडी र चौधरीको साथबाट जनही २५ ग्राम सुन र दुई–दुईथान आइफोन बरामद गरिएको छ ।सुरज हमाल उनीहरुसँग सुन र आईफोन संकलन गर्न विमानस्थलमा गएका हुन् । आरोपीहरुलाई थप अनुसन्धान र कारबाहीको लागि त्रिभुवन विमानस्थल भन्सार कार्यालयमा बुझाइएको विमानस्थल सुरक्षा कार्यालयका एसएसपी भिम प्रसाद ढकालले बताए । रास्स
