(ABC=SANCHAR)
पर्सा । बिरगंज महानगरपालिका वडा नम्बर ३१ भेडाहा खोलाजन्य पदार्थको अवैध उत्खननको शिकार भएको छ ।
भेडाहा खोलाजन्य पदार्थ ठेक्का नलागेको अवस्थामा अवैध उत्खननको शिकार भएको हो । गत वर्ष यो खोलाको डेढ करोडमा ठेका लागेको थियो ।
चालू आवमा ठेक्का लाग्न सकेन तर अवैध उत्खननबाटै यहाँको बालुवा र ढुङ्गा सकिएको छ ।
वैशाख महीना पूरा नहुँदै यस नदीको ढुङ्गा–बालुवा सकिएपछि तस्करहरू राष्ट्रिय निकुञ्ज क्षेत्रभित्र अवैधरूपमा प्रवेश गरी नदीको दोहन गर्दै आएको स्थानीयले बताएका छन् ।
राष्ट्रिय निकुञ्जमा अवैधरूपमा हुने यस प्रकारको गतिविधि नियन्त्रणका लागि सैनिक खटेका छन् । तर सैन्य गस्तीको समय अघिपछि पारेर तस्करहरू अवैध उत्खनन र ढुवानी गर्दै आएका छन् ।
