सुनसरी । इनरुवा नगरपालिका वडा नं-४ स्थित हनुमान चौकमा आइतबार दिउँसो भन्सार छलेर ल्याएको चिनी नियन्त्रणमा लिन खोज्दा एक व्यापारी महिलाले सशस्त्र प्रहरीमाथि हातपात गरेकी छन्।
सशस्त्र प्रहरी स्रोतका अनुसार बिहान ८ बजे १०० केजी चिनीको भन्सार काटेर पुनः ३ बोराभन्दा बढी चिनी सिटी सफारीको डिकीमा लुकाएर लगिरहेको अवस्थामा फेला परेको थियो।
शंकास्पद रूपमा लुकाएर लगिरहेको उक्त चिनी सशस्त्र प्रहरीले नियन्त्रणमा लिएको छ।
घटनामा संलग्न व्यवसायी महिलालाई नियन्त्रणमा लिई आवश्यक कारबाहीका लागि *जिल्ला प्रहरी कार्यालय सुनसरीको जिम्मा लगाइएको* सशस्त्र प्रहरी स्रोतले जानकारी दिएको छ।
