ABC (क्राईमबिट)
काठमाडौं । राष्ट्रिय सशस्त्र प्रहरी प्रशिक्षण प्रतिष्ठानमा ‘प्रथम समादेशक कार्यशाला गोष्ठी’ को आयोजना
काठमाडौं । राष्ट्रिय सशस्त्र प्रहरी बल, प्रशिक्षण प्रतिष्ठान मातातिर्थमा मंगलबार दुई दिने ‘प्रथम समादेशक कार्यशाला गोष्ठी’ को आयोजना गरिएको छ ।
उक्त कार्यशाला गोष्ठीको सशस्त्र प्रहरी अतिरिक्त महानिरीक्षक (एआईजी) नारायणदत्त पौडेलले एक समारोहकाबीच उद्घाटन गरेका हुन् ।
त्यसअवसरमा एआईजी पौडेलले भविष्यमा संचालन हुने विभिन्न तालिम, संगठनको नीति तथा कार्यादेश अनुसार राज्यबाट सुम्पिएको जिम्मेवारी पूरा गर्न जनशक्ति व्यवस्थापन, प्रभावकारी परिचालन, नविनतम् सुरक्षा चुनौतीको सामना गर्न आवश्यक पर्ने तालिम, तालिमको पाठ्यक्रम, तालिमको लागि आवश्यक पर्ने पूर्वाधार, प्रशिक्षक तथा प्रशिक्षार्थीहरुको व्यवस्थापन तथा स्तरोन्नती, मुल्यांकन तथा प्रशिक्षण विधिहरु समयानुकुल परिमार्जन गर्न गहन छलफल गरिने समेत बताए ।
