ABC (क्राईमबिट)
काठमाडौं । नेपाल प्रहरीका एक जना प्रहरी सहायक निरीक्षकसहित २४ जना प्रहरी सम्पर्कविहीन भएका छन् । प्रहरी प्रधान कार्यालय (हेडक्वाटर) नक्सालले एक सूचना जारी गर्दै सम्पर्कविहीन बनेका २४ प्रहरीहरुलाई सम्पर्कमा आउन आग्रह गरेको छ ।
शुक्रबार प्रहरी प्रधान कार्यालयले गैरहाजिर भएकाहरुको नामावली सार्वजनिक गरेको छ । उनीहरुलाई बाटोको म्यादबाहेक सात दिनभित्र सम्पर्कमा आउन पनि भनेको छ ।
सूचनामा उनीहरुलाई स्पष्टीकरणसहित सम्पर्कमा आउन आग्रह गरिएको छ । तोकिएको अवधिभित्र सम्पर्कमा नआए सेवाबाट हटाउने चेतावनी समेत दिइएको छ ।
