(ABC-Sanchar) 
झापा । शनिबार बिहानै झापाका पालिका स्तरिय निजि बिद्यालयका संगठन प्याब्सनका पदाधिकारीलाई पत्र हात लाग्यो।
लगत्तै फिल्मि शैलीमा फोन पनि आयो।भोलिको बन्दमा सहयोग गरिदिनपर्यो, केही अप्रिय घटना घटे,स्कुल बस जले भने गुनासो नगर्नुहोला।
१ नम्बर प्रदेशको नाम कोशी प्रदेश राखिएको भन्दै लिम्बुवान, किरात संघर्ष समितिले प्रदेश १मा आइतबार आम हड्ताल आह्वान गरेको छ।
पहिचान मेटिने गरी प्रदेशको नामकरण गरिएको भन्दै एक साता यता बिभिन्न जातिय संगठनहरुले बिरोधका बिभिन्न कार्यक्रमहरू गरिरहेका छन्।
फागुन महिनामा मात्रै सरकारी र स्थानीय बिदा गरी झन्डै २० दिन पढाई हुन नसक्दा बिद्यार्थीहरु मारमा परेका छन्।गत साता आइतबार र बिहिवार मात्रै बिद्यालय खुले, तर अघिल्लो दिन र भोलिपल्ट बिदा हुने भएपछि ति दुइ दिन पनि पढाई हुन सकेन।होलि पर्व, नारी दिवस र किराँत मोर्चाले गरेको हड्तालका कारण झापाका बिद्यालयहरु मारमा परेका हुन्।आजको हड्तालले शैक्षिक क्षेत्र मात्रै होइन सार्वजनिक सवारी चलाउनेलाई पनि सकस छ।
आइतबार बिहान यात्रुलाई बजार छोडेर फर्किनै लाग्दा एकजना अटोचालकको फोनमा घण्टी बज्यो।
उनले फोन उठाए।बन्दको दिन अटो चलाउनु भयो,गार्हो पर्ने हो किरु तपाईंको गरि खाने पनि त्यही अटो नै होलारु ूकसैले नरम भाषामा बोल्यो।
एक दिनलाई त हो, सहयोग गर्नुस(सहयोग गर्नुस है फोन काटियो।
उनको तिनपाङ्ग्रे अटोको पछाडि मोबाइल नम्बर हेरेर बन्दकर्ताले फोन गरेका हुन्।आइतबार बिहानैबाट बन्दकर्ताले झापाका बिभिन्न बजार बन्द गराउँदै हिडेका छन्। छिटफुट रूपमा खुलेका फलफूल पसल समेत बन्दकर्ताले बन्द गर्न अनुरोध गरेका छन् ।संघीय लोकतान्त्रिक राष्ट्रिय मंचका प्रान्तिय सचिव धनबहादुर पङ्धाक भन्छन्, यो आन्दोलनको उपलब्धि सबै प्रदेशवासीलाई जान्छ, एकाध दिन बन्द गरेर हाम्रो आन्दोलनलाई सहयोग गरिदिनुस भनेको हो, धम्क्याएको होइन।
