ABC (क्राईमबिट) काठमाडौँ । गृहमन्त्री नारायणकाजी श्रेष्ठले सुरक्षा निकायलाई दबाब र चलखेलबाट मुक्त गर्ने दाबी गरेका छन् ।
मंगलबार गृह मन्त्रालयमा आयोजित पत्रकार सम्मेलनमा मन्त्री श्रेष्ठले यस्तो बताएका हुन् । उपप्रधानमन्त्रीसमेत रहेका श्रेष्ठले सुरक्षा निकायलाई शक्ति केन्द्र र राजनीतिक दबाबबाट मुक्त राख्ने बताएका हुन् ।
उनले सुरक्षा निकायमा निष्पक्षता कायम गरी गौरव हुनुपर्ने बताए ।
उनले गृह प्रशासनमा बिचौलियाको भूमिकालाई शून्यमा झार्ने पनि उद्घोष गरेका छन् । श्रेष्ठले गृह प्रशासन र प्रहरीमा यसअघि रहेको धारणा नै परिवर्तन गर्न आवश्यक रहेको बताए ।
