ABC (क्राईमबिट)
बाँके । नेपालगन्जको न्युरोड धम्बोझी, आदर्शनगर चोक टाङ्गा स्टेशन लगायत आसपासका होटेलहरु संग कन्ट्याक्ट्मा रुम लिने र सडक छेउमा ग्राहक संग बार्गेनिङ गर्दै यौनजन्य गतिबिधी गर्दै आएका केही दृश्यहरु साँझ पख देख्न सकिन्छ । सडक पेटिमा ग्राहक खोज्दै र बार्गेनिङ गर्ने यौनजन्य क्रियाकलापमा संलग्न युवतिहरु सक्रिय रहने गरेको छ ।
नेपालगन्जका एक जना स्थानियले नाम उल्लेख नगर्ने सर्तमा बाँकेको नेपालगञ्ज स्थित जिल्ला प्रशासन कार्यालय बाँकेको गेट नजिकै टाङ्गा स्टेशनमा रहेको एक होटलमा खुलेआम यौनजन्य व्यवसाय भइरहेको र जिल्ला प्रहरी कार्यालय बाँकेको गेट अगाडि यस्तो गतिविधि भइरहेको खबर बाँके प्रहरीलाई थाहा हुँदा समेत कुनै एक्सन नलिएको उनले गुनासो गरेका छन ।
नागरिकहरुबाट व्यापक जनगुनासो आए पछी पत्रकारहरु टिमले स्टिङ्ग अप्रेसन गरेको छ । पत्रकारहरु होटलमा ग्राहक बनेर नेपालगन्जको आसपास क्षेत्रको होटलहरुमा यौनजन्य गतिबिधी गर्दै आएको दृश्य फेला पारेको छ । पत्रकारहरुले होटल संचालक र युबतीहरुलाई प्रहरी आए भने पक्राउ गर्छ नि भन्ने प्रश्नमा हामीले प्रहरीलाई महिना वारि पैसा दिन्छम भन्दै निर्धक्क सङ पत्रकारहरु सङ कुरा गर्दै भित्र जान प्रस्ताव समेत गरे ।
उसो त बाँकेको नेपालगन्जमा मात्रै यौनजन्य क्रियाकलाप मौलाएको भने होईन , बाँकेकै राझाँ र कोहलपुर समेत यौनजन्य गतिविधिको लागी चर्चित छ । कोहलपुर भने यौनजन्य क्रियाकलापको लागि अझ सुरक्षित रुपमा हेर्ने गरेको धेरैको जिकिर छ । कोहलपुर नजिक रहेका होमस्टे तथा होटेलहरुमा निर्वाध रुपमा यौनजन्य क्रियाकलाप हुने धेरैले बताउदै आएका छन् ।
यस्तो यौनजन्य गतिविधिको लागी होटल सञ्चालककै पहिलो भूमिका रहेको देखिएको छ । युवतीहरु होटल सञ्चलककै सम्पर्कमा हुने र ग्राहकहरु आए पछि होटल सञ्चालकले बोलाइदिने स्रोतले जानकारी दिएको छ । यस्तो क्रियाकलाप गरे बापत रु १५०० देखि रु ५००० हजार सम्मको बार्गेनिङ हुने स्रोतले बताएको छ । यसमा १७ वर्ष देखि ३० वर्ष सम्म कि युवतीहरुको बढी संलग्नता रहेको पाइएको छ ।
समय र सुचना तथा प्रविधिको बिकास संगै यौन ब्यवसाय र त्यसको बार्गेनिङ अनि सेटिङमा समेत ठूलो परिवर्तन आएको छ । बिभिन्न सामाजिक संजाल, फोन सम्पर्क तथा विभिन्न च्याट प्लेटफर्म मार्फत मोलमोलाइ हुने र स्थान समेत निर्धारण गर्ने गर्दै आएको कारण प्रहरी तथा प्रशासन उनिहरुको क्रियाकलाप सम्म पुग्न सकेका छैनन् भने कतिपय अवस्थामा प्रहरीकै संलग्न वा प्रहरीको संरक्षण रहने समेत प्रहरीलाई आरोप लाग्दै आएको छ ।
यस बिषयमा जिल्ला देखि वडा सम्माका सामान्य प्रहरी अधिकारिलाई जानकारी हुदा समेत कुनै एक्सन नलिँदा प्रहरी माथी नै
प्रश्न चिन्ह उठेको छ । यस बारेमा जिल्ला प्रहरी कार्यालय बाँकेका एसपी सन्तोष सिंह राठौरलाई फोन सम्पर्क गर्दा फोन भरी उठेन ।
