(ABC-Sanchar) काठमाडौं । ट्याक्सी व्यवसायीहरुले काठमाडौ महानगरपालिका अगाडि खाली ट्याक्सी तेस्याएर विरोध जनाएका छन्।
त्यसैगरी महानगरका विभिन्न क्षेत्रमा ट्याक्सी व्यवसायीहरुले विरोध जनाउँदै आफैंले पार्किङ लेखेको स्ट्यान्ड राखेका छन् । ट्राफिक प्रहरीका अनुसार ट्याक्सी चालकहरुले राखेका स्ट्यान्ट हटाउन खोज्दा केही बेर तनाब सिर्जना भएको थियो।अहिले ट्याक्सी व्यवसायीहरु ट्राफिक प्रहरी सहित महानगरपालिकामा वार्ताको लागि बसिरहेका छन् ।
काठमाडौं महानगरपालिकाले अनधिकृत रुपमा ट्याक्सी पार्किङ गरेर समस्या सिर्जना गरेको भन्दै पार्किङ दिन नमिल्ने ठाउँमा बोर्ड हटाएको बताएको छ।ट्याक्सी व्यवसायीहरुले भने महानगरपालिका र ट्राफिक मिलेर सबैतिर ट्याक्सीलाई पार्किङ गर्न रोक लगाएको आरोप लगाएका छन।
